Универзитетот „Св. Климент Охридски“-Битола дистрибуира информативен плакат за заштита од Ковид-19
- Универзитетот „Св. Климент Охридски“ во соработка со Општина Битола денес дистрибуира информативни постери,плакати со хигиено-технички упатства и упатства за постапување со куќни миленици.
![Универзитетот „Св. Климент Охридски“-Битола дистрибуира информативен плакат за заштита од Ковид-19](https://new.mia.mk/index.php/images/20221103002223_big_730x400_50.webp )
Битола, 28 март 2020 (МИА)
Универзитетот „Св. Климент Охридски“ во соработка со Општина Битола денес дистрибуира информативни постери,плакати со хигиено-технички упатства и упатства за постапување со куќни миленици.
Цел на акцијата се дополнителни активности за превенција од ширење на епидемијата и за заштита на јавното здравје која заеднички ја иницираа ректорот, проф. д-р Сашо Коруновски и градоначалничката на Битола, м-р Наташа Петровска.
На сите универзитетски единици дистрибуирани се постери што содржат неопходни информации за хигиенски практики поврзани со храната и домашните миленици. Активноста е координирана од кризниот тим на УКЛО, а Факултетот за биотехнички науки и Ветеринарниот факултет подготвија соодветни стручни текстови за превенција и заштита од Ковид 19.
Со изработката на плакатите за заштита од пандемијата, УКЛО и Општина Битола ја потврдија својата взаемна соработка и во овој сегмент на заштита на јавното здравје како заедничка одговорност, се посочува во заедничкото соопштение.мт/ир