Украина: Уште речиси 500 цивили евакуирани од Мариупол
- Уште речиси 500 цивили се евакуирани од Мариупол, откако започна операцијата предводена од Обединетите Нации (ОН), вклучувајќи и лица од опколената фабрика за челик Азовстал, јави Би-Би-Си.
![Украина: Уште речиси 500 цивили евакуирани од Мариупол](https://new.mia.mk/index.php/images/20221113124131_big_730x400_82.webp )
Киев, 6 мај 2022 (МИА) - Уште речиси 500 цивили се евакуирани од Мариупол, откако започна операцијата предводена од Обединетите Нации (ОН), вклучувајќи и лица од опколената фабрика за челик Азовстал, јави Би-Би-Си.
Шефот на кабинетот на украинскиот претседател Андриј Јермак ја нарече евакуацијата „комплексна операција“ и нагласи дека Украина ќе продолжи да прави сè што може „за да ги спаси сите цивили и војската“.
Тој на Телеграм им се заблагодари на ОН.
Украинската вицепремиерка Ирина Верешчук најави дека евакуациите од Мариупол денеска ќе се фокусираат на оние кои се заглавени во фабриката Азовстал. бд/ссм/