Украина: Евакуирани 7.295 луѓе, се праќаат 50 автобуси во Мариупол
- Од украинските градови денеска преку хуманитарни коридори се евакуирани 7.295 луѓе, изјави потпретседателката на украинската Влада, Ирина Верешчук.
![Украина: Евакуирани 7.295 луѓе, се праќаат 50 автобуси во Мариупол](https://new.mia.mk/index.php/images/20221112152246_big_730x400_66.webp )
Киев, 20 март 2022 (МИА) - Од украинските градови денеска преку хуманитарни коридори се евакуирани 7.295 луѓе, изјави потпретседателката на украинската Влада, Ирина Верешчук.
Таа истакна дека функционирале четири од седумте планирани рути.
Од вкупниот број, 3.985 луѓе се евакуирани од опколениот град Мариупол во градот Запорожје.
- Украинската Влада планира утре да испрати речиси 50 автобуси во Мариупол за натамошна евакуација, додаде Верешчук. гт/