Украина го изврши најдлабокиот напад во Русија, погодувајќи рафинерија оддалечена 1.500 километри
- Украинско беспилотно летало со долг дострел утрово ја погоди рафинеријата Гаспром Нефтехим Салават во Башкортостан. Според изворот на Украинска Правда, станува збор за дрон SSU кој поставил рекорд со преминување 1.500 километри.
![Украина го изврши најдлабокиот напад во Русија, погодувајќи рафинерија оддалечена 1.500 километри](https://new.mia.mk/index.php/images/20240509155503_big_730x400_8.webp )
Киев, 9 мај 2024 (МИА) - Украинско беспилотно летало со долг дострел утрово ја погоди рафинеријата Гаспром Нефтехим Салават во Башкортостан. Според изворот на Украинска Правда, станува збор за дрон SSU кој поставил рекорд со преминување 1.500 километри.
Газпром Нефтехим Салават е една од најголемите компании за рафинирање на нафта и петрохемиско производство во Русија. Специјализирана е за производство на бензин, дизел гориво и други видови нафтени деривати.
Радиј Хабиров, шеф на Башкортостан, пријави денеска напад со дрон врз рафинерија во Башкортостан. Руските медиуми објавија снимки од чадот од пожарот.
1,500 km range record from Ukraine: That was the distance travelled by Ukrainian kamikaze aircraft that hit Russian oil refinery in Bashkiria. https://t.co/kkXcBYo6x4 pic.twitter.com/6uaaqqOb0q
— Clash Report (@clashreport) May 9, 2024
Украина ги интензивираше нападите врз руските нафтени рафинерии во последните месеци за да се обиде да ја спречи Русија да профитира од продажбата на нафта и нафтени деривати. Во своите напади главно користи дронови. ссм/
фото: defense express