Украдени решетки од сливници и капаци од шахти, случајот пријавен во полиција
- Во текот на минатата ноќ на Бул. Илинден, Бул. 8-ми Септември и ул. Карпошево Востание, украдени се капаци од шахти и решетки од сливници.
![Украдени решетки од сливници и капаци од шахти, случајот пријавен во полиција](https://new.mia.mk/index.php/images/20221105185226_big_730x400_34.webp )
Скопје, 20 јануари 2021(МИА) - Во текот на минатата ноќ на булеварите „Илинден“ и „8-ми Септември“ и улицата „Карпошево Востание“ во Скопје, украдени се капаци од шахти и решетки од сливници.
Како што информираат од ЈП „Водовод и канализација“ - Скопје случајот е пријавен, а украдените ќе бидат заменети со нови во најбрз можен рок.
Случајот е документиран и пријавен во полициската станица во Карпош.
- Воедно сакаме да упатиме апел до јавноста и граѓаните, да не се крадат капаци решетки од улиците, бидејќи на тој начин се загрозува безбедноста на граѓаните и учесниците во сообраќајот, се додава во соопштението на јавното претпријатие испратено до јавноста. свс/сп/
![Untitled](/articles/images/ukradeni-reshetki-od-slivnici-i-kapaci-od-shahti-slucha-ot-pri-aven-vo/qLaQzgE69/placeholder.webp?use_watermark=0)