Уапсен Новозеланѓанец, се капел во зоолошка покрај носорози и антилопи
- Тој упаднал во заграден простор за животни и лежерно се капел во вир покрај „вџашените“ носорози и антилопи.
![Уапсен Новозеланѓанец, се капел во зоолошка покрај носорози и антилопи](https://new.mia.mk/index.php/images/20230419094509_big_730x400_55.webp )
Оукленд, 19 април 2023 (МИА) - Маж е приведен денеска во Зоолошката градина во Оукленд, Нов Зеланд, откако упаднал во заграден простор за животни и лежерно се капел во езерце покрај „вџашените“ и вознемирени носорози и антилопи, јавија тамошните медиуми. Снимки од случката прикажуваат како човекот лежи во водата на грб, па си го мие лицето и косата.
- Животните, разбирливо, беа вџашени од натрапникот, изјави гласноговорникот на Зоолошката.
Ограденото место е живеалиште на носорози и антилопи со спирален рог. Човекот бил во вода „неколку минути“ пред да одговори на инструкциите на вработените да излезе од ровот. Истиот бил изнесен вон оградата и предаден на полицијата.
Директорот на зоолошката градина Кевин Були рече дека „многу му олеснало“ зашто нема повредени животни и посетители. си/
Фото: Јутјуб, принтскрин.