Уапсен наркодилер со лажна лична карта со името на Роберт де Ниро
- Во документот се наведува дека „Де Ниро“ живее во романскиот град Јаси, родители му се Мадона и Ентони, а адресата одговара на тамошните гробишта... При претрес во вистинскиот дом на лажниот
![Уапсен наркодилер со лажна лична карта со името на Роберт де Ниро](https://new.mia.mk/index.php/images/20221104004731_big_730x400_55.webp )
Букурешт, 12 јуни 2020 (МИА) - Романската полиција уапси дилер на дрога со лажна лична карта со името и фотографија на холивудскиот глумец Роберт де Ниро.
Во документот се наведува дека „Де Ниро“ живее во романскиот град Јаси, родители му се Мадона и Ентони, а адресата одговара на тамошните гробишта... При претрес во вистинскиот дом на лажниот актер, пронајдена е поголема количина екстази, подготвена за продажба.
Вистинското име на притвореникот е Сорин Булгару - 53-годишен маж, криминалец и човек добро познат на полицијата. Ќе му се суди за учество во мрежа за трговија со наркотици.
Ова не е првпат Булгару да користи туѓ идентитет. Во 2011 година, тој бил фатен како зема заем со нечија лична карта, по што си добил казна од девет години затвор. си/