Атина, 16 август 2024 (МИА) – Возила и патници доцна синоќа не успеаја да се влезат во траектот на грчкиот остров Андрос, откако капетанот поради силниот ветер и брановите, одлучи експресно да отплови, затворајќи ја портата во моментите кога еден автомобил се обидуваше да влезе во бродот, а по инцидентот уапсен е капетанот за загрозување на безбедноста на патниците, јави дописничката на МИА од Атина.

Откако видеото од инцидентот беше објавено на социјалните мрежи, а на кое се гледа како членовите на екипажот го туркаат автомобилот назад на пристаништето, по што портата се затвора и траектот отпловува, од Министерството за поморство и островска политика на Грција соопштија дека надлежниот министер Христос Стилианидис наредил итно расчистување на случајот и апсење на капетанот.

Објаснија дека траектот го чекале десет патници и четири возила, а од само тројца патници и едно возило влегле во бродот, а поради лошите временски услови капетанот оценил дека е небезбедно да остане подолго време на пристаништето.

При инцидентот нема повредени, а автомобилот претпрел помала материјална штета. ср/рп/

Άνδρος: ΙΧ μένει στον αέρα, επιβάτες το σπρώχνουν και τελικά τρέχουν να επιβιβαστούν στο πλοίο που φεύγει!

Τelegram: https://t.co/eSFtdSWZNE pic.twitter.com/qUN6LZU5RL

— Καθίκι (@KYTKYTKYTKYTKYT) August 15, 2024