Уапсени и осудени двајца државјани на Северна Македонија за внесување фалсификувани бланко документи во Грција
- Двајца државјани на Северна Македонија биле уапсени во Грција, а потоа и осудени на затворска казна, откако грчката полиција во петокот при претрес на граничниот премин Дојран кај нив пронашла 599 фалсификувани бланко документи, јави дописничката на МИА од Атина.
![Уапсени и осудени двајца државјани на Северна Македонија за внесување фалсификувани бланко документи во Грција](https://new.mia.mk/index.php/images/20240429095622_big_730x400_98.webp )
Атина, 29 април 2024 (МИА) – Двајца државјани на Северна Македонија биле уапсени во Грција, а потоа и осудени на затворска казна, откако грчката полиција во петокот при претрес на граничниот премин Дојран кај нив пронашла 599 фалсификувани бланко документи, јави дописничката на МИА од Атина.
Од грчката полиција соопштија дека двајцата мажи биле уапсени откако им била извршена проверка при влезот во Грција, а кај едниот, во поставата на јакната пронашле скриени вкупно 440 бланко документи (лични карти, возачки дозволи, дозволи за престој) од разни европски земји, кои биле одземени.
При претресот на возилото во багажникот биле пронајдени уште 159 празни документи, кои исто така биле одземени.
Грчката новинска агенција АНА-МПА објави дека Прекршочниот суд во Кукуш, двајцата уапсени ги прогласил за виновни за фалсификување и здружување со цел економска корист и биле осудени на затворска казна од пет години.
Според АНА-МПА двајцата обвинети за време на рочиштетот не откриле детали за нивните активности и се бранеле со молчење. ср/са/
Фото: Грчка полиција