ТФТ со убедлив триумф го завери пласманот во втората фаза во БИБЛ лигата
- Кошаркарите на ТФТ Скопје и се приклучија на екипата на Куманово во втората фаза на БИБЛ лигата, откако вечерва во решавачкиот натпревар од последното, десетто, коло триумфираа на домашен тер
![ТФТ со убедлив триумф го завери пласманот во втората фаза во БИБЛ лигата](https://new.mia.mk/index.php/images/20221105194847_big_730x400_39.webp )
Скопје, 2 февруари 2021 (МИА) – Кошаркарите на ТФТ Скопје и се приклучија на екипата на Куманово во втората фаза на БИБЛ лигата, откако вечерва во решавачкиот натпревар од последното, десетто, коло триумфираа на домашен терен над црногорски Ибар со 91:75 (59:32).
Победата го искачи македонскиот дебитант во регионалната кошаркарска лига на четвртото место од кое ја потисна екипата на Теодо поради подобра кош – разлика во меѓусебните дуели. ТФТ на гостувањето во Тиват загуби со 15 поени, а на домашен терен триумфираше над црногорската екипа со 18 кошеви разлика.
Покрај двете македонски екипи, Куманово и ТФТ, и двата претставника од Бугарија, Академик и Берое, обезбедија пласман во втората фаза во која ќе им се приклучат израелските Хапоел Холон и Хапоел Галил.
Шесте екипи ќе бидат поделени во две групи, а жрепката е закажана за в петок, во Софија. ег/оџ/