ТФТ поразен од Сутјеска во АБА 2 лигата
- Кошаркарите на скопски ТФТ го претрпеа петтиот пораз во шестиот натпревар во регионалната АБА 2 лига, откако вечерва загубија од црногорска Сутјеска со 74-60 (37-24).
![ТФТ поразен од Сутјеска во АБА 2 лигата](https://new.mia.mk/index.php/images/20231219200538_big_730x400_19.webp )
Широки Брег, 19 декември 2023 (МИА) – Кошаркарите на скопски ТФТ го претрпеа петтиот пораз во шестиот натпревар во регионалната АБА 2 лига, откако вечерва загубија од црногорска Сутјеска со 74-60 (37-24).
По израмнетата прва четвртина (17-17), победникот беше навестен во вториот период кој црногорскиот тим го реши во своја корист со 20-7.
Македонскиот состав не успеа во второто полувреме да ја надомести големата негатива и остана на последното место на табелата со една победа од шест натпревари.
Во рамки на седмото коло од третиот овосезонски АБА 2 турнир кој се игра во Широки Брег, кошаркарите на ТФТ в четврток ќе играат против Борац од Бања Лука. ег/бт/
ФОТО: Фејсбук