Брисел, 22 јануари 2026 (МИА) – Ние го прифаќавме лидерството на САД како апсолутно природно, но за нас е исклучително важно нашите партнери во Вашингтон да ја сфатат разликата помеѓу доминација и лидерство, изјави вечерва полскиот премиер Доналд Туск при пристигнувањето на неформалниот Самит на ЕУ во Брисел.

- Лидерството е во ред. Соработката со САД е во ред. Апсолутно сум сигурен дека треба да ги заштитиме нашите односи од сите предизвици и проблеми. Мислам дека денес и Европа треба да биде апсолутно обединета за да ги заштитиме овие односи, рече Туск.

Според него, во овие критични моменти за ЕУ е важно да го одржи единството со своите партнери и пријатели, затоа што тоа единство е навистина непроценливо.

- Не зборувам само за ЕУ, туку и за нашата соработка со Велика Британија, Канада, Исланд, Норвешка. Тоа е единствениот начин да се избегнат овие многу чудни проблеми што ги имаме денес во меѓународната политика, додаде Туск. сп/ссм/

Фото: Принтскрин