Турска техничка помош за воспоставување земјоделски осигурителен систем во земјава
- Земјава ќе добие техничка помош од Република Турција за воспоставување земјоделски осигурителен систем. Ова го договорија денеска министерот за земјоделство, шумарство и водостопанство, Арјан
![Турска техничка помош за воспоставување земјоделски осигурителен систем во земјава](https://new.mia.mk/index.php/images/20221105185905_big_730x400_91.webp )
Скопје, 21 јануари 2021 (МИА) - Земјава ќе добие техничка помош од Република Турција за воспоставување земјоделски осигурителен систем. Ова го договорија денеска министерот за земјоделство, шумарство и водостопанство, Арјанит Хоџа и министерот за животна средина и просторно планирање, Насер Нуредини на средбата со претставниците на турската Агенција за земјоделско осигурување (ТАРСИМ).
Како што соопшти Министерството за земјоделство, на средбата беше презентиран начинот на функционирање на ТАРСИМ и беше договорена соработката за техничката помош. Воедно беше договорено да се формираат работни групи со претставници од двете страни за да се почне процес на воспоставување систем на земјоделско осигурување во нашата држава.
-Овој систем ќе понуди долгорочно решение за проблемите што произлегуваат од природни непогоди и климатски промени кои се појаваат во земјоделскиот сектор, но и унапредување на осигурителниот сектор во делот земјоделство во Република Северна Македонија. Климатските промени се наметнуваат како сериозна закана за земјоделското производство и потребен е организиран пристап за прилагодување, но и за заштита на земјоделските производи преку нивно осигурување, наведува МЗШВ.
Министерот Хоџа, придружуван од министерот Нуредини одржаа состанок со генералниот менаџер на ТАРСИМ, Серпил Ѓунал, претставникот на Министерство за земјоделство и шумарство на Република Турција, Бекир Енгурулу, како и со членови на Бордот на директори на ТАРСИМ. мч/скс/
![хоџа](/articles/images/turska-tehnichka-pomosh-za-vospostavuva-e-zem-odelski-osiguritelen-sis/zlCOL8JSQ/placeholder.webp?use_watermark=0)
![хоџа](/articles/images/turska-tehnichka-pomosh-za-vospostavuva-e-zem-odelski-osiguritelen-sis/X4wu53JZA/placeholder.webp?use_watermark=0)