Тупанчески се сретна со министерката за правда на Србија, Поповиќ во Белград
- Одржување заедничка конференција на која ќе се разменат искуства и решенија од Северна Македонија и Србија во врска со правосудниот систем, договориле министерот за правда Никола Тупанчески и
![Тупанчески се сретна со министерката за правда на Србија, Поповиќ во Белград](https://new.mia.mk/index.php/images/20221113212221_big_730x400_42.webp )
Скопје, 2 септември 2022 (МИА) - Одржување заедничка конференција на која ќе се разменат искуства и решенија од Северна Македонија и Србија во врска со правосудниот систем, договориле министерот за правда Никола Тупанчески и неговата српска колешка Маја Поповиќ на денешната средба на маргините на самитот „Отворен Балкан” кој се одржа во Белград.
-Посебен акцент ќе се стави на дигитализација во судството, начинот на избор на судии и јавни обвинители, изнаоѓање на решенија за подобрување на условите во казнено поправните установи како и извршување на алтернативни мерки, се наведува во соопштението од Министерството за правда.
![Тупанчевски - Поповиќ](/articles/images/%d1%82%d1%83%d0%bf%d0%b0%d0%bd%d1%87%d0%b5%d1%81%d0%ba%d0%b8-%d1%81%d0/KsHBJr2NP/placeholder.webp?use_watermark=0)
Тупанчески и Поповиќ договориле во наредниот период да се интензивираат консултациите и размената на искуства, со цел да се забрзаат реформите во евроинтегративните процеси.
Двајцата министри потенцирале дека добрососедските односи треба да продолжат да се развиваат и во иднина.
На средбата присуствувале и државниот секретар во Министерство за правда Ливија Павичевиќ и Дејан Царовиќ од Управа за извршување на кривични санкции на Србија.Иницијативата за Отворен Балкан на Република Северна Македонија, Албанија и Србија се покажа дека е функционална и европска, а целта е политиката да се развива низ отворени врати со единствен пазар, без граници и интеграција во ЕУ. дма/аа/