Тунберг по приведувањето во Германија: Заштитата на климата не е кривично дело
- Климатската активистка Грета Тунберг е ослободена, откако заедно со други активисти беше приведена за време на протестот против уривањето на село во Германија поради проширување на рудник за
![Тунберг по приведувањето во Германија: Заштитата на климата не е кривично дело](https://new.mia.mk/index.php/images/20230118122519_big_730x400_70.webp )
Стокхолм, 18 јануари 2023 (МИА) - Климатската активистка Грета Тунберг е ослободена, откако заедно со други активисти беше приведена за време на протестот против уривањето на село во Германија поради проширување на рудник за јаглен, соопшти полицијата.
По ослободувањето, таа реагираше преку објава на Твитер. „Вчера бев дел од група која мирно протестираше против проширувањето на рудниците за јаглен во Германија. Полицијата не собори на земја, а потоа не приведе, но нè ослободи подоцна истата вечер“, напиша Грета Тунберг на својот Твитер профил.
„Заштитата на климата не е кривично дело“, додаде таа.
Грета беше меѓу групата демонстранти кои беа приведени вчера за време на протестот против ископ на јаглен во рудник во близина на германското село Лицерат.
Шведската активистка од минатата недела неколку пати се појавуваше на протестот во регионот Лицерат, по одлуката таму да започне ископување лигнит. ссм/