Тројца загинати при уривање зграда во Карачи
Карачи, 21 октомври 2020 (МИА) - Најмалку три лица загинаа, а 15 се повредени во експлозија на повеќекатница во јужниот дел на пакистанскиот град Карачи, соопшти полицијата на тој град.
Како што пренесуваат медиумите, сè уште не е јасно што ја предизвикало експлозијата, но изгледало како несреќа предизвикана од неисправна плинска боца.
Некои луѓе сè уште се заробени под урнатините, според Сад Еди, портпарол на службата за итна помош.
Саџид Садозај, висок полициски службеник во Карачи, потврди дека починале три лица.
На ТВ-снимките може да се види како спасувачите се обидуваат да се пробијат низ урнатата зграда за да стигнат до затрупаните. паг/
