Тродимензионални пешачки премини во Куманово
- Во рамки на обновата на хоризонталната сигнализација во Куманово, почна исцртување на тродимензионални пешачки премини, кои ќе повидливи за возилата и придонесуваат за намалување на брзината.
![Тродимензионални пешачки премини во Куманово](https://new.mia.mk/index.php/images/20221104234659_big_730x400_59.webp )
Куманово, 30 октомври 2020 (МИА) - Во рамки на обновата на хоризонталната сигнализација во Куманово, почна исцртување на тродимензионални пешачки премини, кои ќе повидливи за возилата и придонесуваат за намалување на брзината. Градоначалникот на Куманово, Максим Димитриевски објави дека и во наредниот период ќе продолжат со поставување на ваква сообраќајна сигнализација.
- За првпат во нашиот град започна исцртување на тродимензионални пешачки премини. Целта е учесниците во сообраќајот полесно да ја забележат и користат оваа сообраќајна сигнализација. Предвидено е вакви пешачки премини да има и на други локации во општината-напиша Димитриевски.
Надлежните од општината за оваа дејност појаснуваат дека во наредниот период ќе бидат исцртани уште два вакви пешачки премини во централното градско подрачје, а наредната сезона ќе продолжат и на останатите улици.
Обновата на хоризонталната сигнализација продолжи во приградските населби, откако заврши во централното подрачје.
Во рамки на програмата за уредување на градежно земјиште, изградба и одржување на комунална инфраструктура во Куманово за тековната година, за хоризонталното обележување заедно со поставување на заштитни столбови од општинскиот буџет одвоени се 2,5 милиони денари. ам/ир