„Тркало на среќата и фантазијата“ на Рјусуке Хамагучи на 12 август во Кинотека
Скопје, 4 август 2022 (МИА) - Филмот „Тркало на среќата и фантазијата“ на Рјусуке Хамагучи на 12 август ќе се прикажува во Кинотека, информира јапонската Амбасада.
Филмот раскажува три приказни за три женски ликови и ги следи односите меѓу нивните избори и каењето: неочекуван љубовен триаголник, неуспешна замка за заведување и средба која произлегува од едно недоразбирање.
Во 2021 година филмот освои „Сребрена мечка“ и истата година кинематографeрката Јукико Иока беше номинирана за „Камера 300“ на Интернационалниот фестивал на филмската камера „Браќа Манаки“. ац/
