Три тела пронајдени по експлозија во семејна куќа во Сараево
- Три тела, на неидентификувани лица, се пронајдени по пожар во семејна куќа во Сараево, потврди денеска портпаролката на Обвинителството на кантонот Сараево, Азра Бавчиќ.
![Три тела пронајдени по експлозија во семејна куќа во Сараево](https://new.mia.mk/index.php/images/20240628101247_big_730x400_30.webp )
Сараево, 28 јуни 2024 (МИА) - Три тела, на неидентификувани лица, се пронајдени по пожар во семејна куќа во Сараево, потврди денеска портпаролката на Обвинителството на кантонот Сараево, Азра Бавчиќ.
Пожар избувна во семејна куќа во Сараево синоќа по, како што јавија сараевските медиуми, експлозија која се слушнала и траела со часови додека не се локализирала.
Според непотврдени информации, на трагедијата во семејниот дом во Сараево и претходел конфликт меѓу двајца браќа. Постариот брат по конфликтот наводно ги убил помалиот брат и неговата сопруга, а потоа ја запалил куќата и починал во пожарот.
Од Обвинителството велат дека повеќе детали ќе се знаат по завршување на истрагата и утврдување на околностите под кои настанал случајот. Оттаму додаваат дека бидејќи истрагата е во тек, идентитетот на жртвите не е познат. мс/
фото: МИА архива