Кавадарци, 28 февруари 2025 (МИА) - Триесет и пет крвни единици беа обезбедени денеска во крводарителска акција во винарска визба „Тиквеш“, информираа попладнево од Црвен крст Кавадарци. 

- Беше спроведена доброволна крводарителска акција  од страна на  Институтот за трансфузиона медицина Скопје, а во организација на Црвен крст на Република Северна Македонија, Општинска  организација Кавадарци. Одговорните и вработените во компанијата,  ја покажаа својата хуманост и солидарност, трудејќи се колективот да ги удостои и крводарителите и лицата кои ја реализираа акцијата, појаснија од Црвениот крст. 

Притоа потсетија дека крводарителите од Кавадарци и Росоман секогаш се меѓу најхуманите во државата. свд/мд/

Фото: Црвен крст Кавадарци