Скопје, 21 септември 2024

Денес започна Третата левичарска школа во организација на Левичарскиот институт ,,Рацин".
Над 70 учесника во текот на наредниве три дена ќе ги јакнат своите капацитети преку обуките, работилниците и мултимедијалните содржини што се пласирани и реализирани од страна на обучувачите и организаторите.

Во текот на денешниот ден, младите левичари - учесници во Школата го проследија предавањето на тема „Заборавениот херој и војната на срамот: Првата опиумска војна“, одржано од Игор Радев.
Во рамки на Школата, вечерва се емитува филмот „Кино герилци - сцени од ролните на Лабодовиќ“ во режија на Мила Тулериќ.

Според Агендата, и наредните два дена се исполнети со едукативно - интерактивни содржини со акцент на левичарската идеологија, односите со јавноста, како и историски перспективи во однос на современото општество.

Ова е трети пат како ЛИ ,,Рацин" организира ваква школа, чиј континуитет е во приоритетите на Институтот, а интересот за учество е секогаш сè поголем, така што при селекцијата на пријавите, предност има целната група - млади.

Левица

___________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.