Тревога за ракети во Израел, Бербок се упатува кон засолниште
- Ракети беа истрелани кон Тел Авив, активирајќи го израелскиот одбранбен систем Железна купола и испраќајќи многумина во крајбрежната метропола да се засолнат.
![Тревога за ракети во Израел, Бербок се упатува кон засолниште](https://new.mia.mk/index.php/images/20231013174954_big_730x400_19.webp )
Тел Авив, 13 октомври 2023 (МИА) - Ракети беа истрелани кон Тел Авив, активирајќи го израелскиот одбранбен систем Железна купола и испраќајќи многумина во крајбрежната метропола да се засолнат.
Една од нив беше германската министерка за надворешни работи Аналена Бербок и нејзината делегација. Таа е една од неколкуте високи политички фигури од целиот свет кои го посетија Израел во знак на солидарност.
Таа се засолни заедно со членовите на семејствата на германските граѓани кои беа киднапирани во рациите на Хамас изминатиот викенд, според извори од делегацијата. Алармот заврши 15 минути подоцна.
Ракета погоди станбена зона во центарот на градот Реховот во близина на Тел Авив, јавија израелските медиуми. Шрапнелите од ракетата повредиле жена која била пренесена во болница, соопшти спасувачката служба Маген Дејвид Адом.
Хамас, кој владее со Газа, изврши голем напад врз Израел во текот на викендот, што предизвика израелски напади врз густо населената енклава. мс/
фото: МИА архива