Скопје, 27 август 2024 (МИА) - Црвениот крст на Република Северна Македонија – Општинска организација Центар и републичкиот Институт за трансфузиона медицина, утре, традиционално, по 22-ви пат, ќе ја организираат крводарителска акција по повод празникот Успение на Пресвета Богородица.

Целта на акцијата е да се обезбедат поголеми количини на крв во летниот период, заради можноста од недостаток на крв и крвни деривати.

-Оваа акција веќе 20 години ја покажува големата хуманост на граѓаните на град Скопје. Започнувајќи со 146 дарувања во 2003-та година, денеска, по 21 реализирана акција, се зборува за вкупна бројка од 4.509 единици крв, или во просек 214 крводарители по акција. Ги покануваме граѓаните да ја покажат и овој пат својата хуманост, поцикуваат организаторите.

Крводарителската акција ќе се спроведе во Домот на АРМ, од 09:00 до 17:00 часот. вг/

Фото: МИА Архива