Тотенхем го совлада Манчестер сити, Мурињо втор пат по ред поуспешен од Гвардиола
- Тотенхем го победи Манчестер сити вечерва во Лондон со 2:0 во дербито на 9. коло од англиската Премиер лига.
![Тотенхем го совлада Манчестер сити, Мурињо втор пат по ред поуспешен од Гвардиола](https://new.mia.mk/index.php/images/20221105113318_big_730x400_31.webp )
Лондон, 21 ноември 2020 (МИА) – Тотенхем го победи Манчестер сити вечерва во Лондон со 2:0 во дербито на 9. коло од англиската Премиер лига.
Со новите три бода „Спарс“ имаат вкупно 20 и избија на чело на табелата каде ќе бидат барем до утре.
Дуелот на стадионот на Тотенхем беше интересен и по тренерската пресметка меѓу лутите ривали Жозе Мурињо и Пеп Гвардиола. За Португалецот ова е втора победа по ред, претходно со истиот резултат славеше на 2 февруари.
Во 24 меѓусебни пресметки Мурињо има седум победи, додека Гвардиола остана на 11. зс/