Топката со која Брајант постигна 61 поени продадена за 66.000 долари
- Топката со која легендарниот американски кошаркар Коби Брајант постигна 61 поени против Њујорк во 2009 година е продадена на аукција за 66.152 долари.
![Топката со која Брајант постигна 61 поени продадена за 66.000 долари](https://new.mia.mk/index.php/images/20231204213359_big_730x400_51.webp )
Њујорк, 4 декември 2023 (МИА) – Топката со која легендарниот американски кошаркар Коби Брајант постигна 61 поени против Њујорк во 2009 година е продадена на аукција за 66.152 долари.
Натпреварот се одигра на 2 февруари 2009 година во њујоршкиот „Медисон сквер гарден‘, а Брајант го предводеше Лос Анџелес лејкерс до триумф од 126-117.
Брајант со постигнатите 61 поени го собори рекордот што на истото место го постигна Мајкл Џордан (55 поени), а во 2014 година Кармело Ентони успеа да постигне еден кош повеќе од Брајант.
Коби Брајант загина во хеликоптерска несреќа во јануари 2020 на 41-годишна возраст.
Во февруари оваа година дрес на кошаркарската легенда Брајант беше продаден на аукција за 5.8 милиони долари. ег/ссм/
ФОТО: Фејсбук