Товарно возило се запали кај месноста Крива Круша кај Пехчево
- Изгоре товарно возило на регионалниот патен правец Делчево - Пехчево пред местото викано Крива Круша. Во моментов на терен интервенираат пожарникари од ТППЕ Берово со едно возило, кои велат дека пристигнале на местото на несреќата веднаш по дојавата која ја добиле околу 12 часот.
![Товарно возило се запали кај месноста Крива Круша кај Пехчево](https://new.mia.mk/index.php/images/20230921131918_big_730x400_54.webp )
Пехчево, 21 септември 2023 (МИА) - Изгоре товарно возило на регионалниот патен правец Делчево - Пехчево пред местото викано Крива Круша. Во моментов на терен интервенираат пожарникари од ТППЕ Берово со едно возило, кои велат дека пристигнале на местото на несреќата веднаш по дојавата која ја добиле околу 12 часот.
Возачот на изгорениот камион за МИА вели дека се се случило за една минута, кога набрзина избувнал оган во предниот дел од камионот.
- За една минута изби оган од кабината. Возев накај Берово кога се случи тоа. Шофер сум околу 20 години но досега тоа не ми се случило, иако на други шофери им се има случувано, вели возачот на камионот Александар.
Тој потврди дека пожарникарите бргу пристигнале, но било доцна за камионот кој бил во пламен.
Во моментот екипите целосно го гаснат возилото и блискиот терен, апелирајки до возилата кои се движат во близина на опожареното место да ја намалат брзината. вс/дма/
Фото: МИА