Тен Хаг би можел да се врати во Баерн Минхен
- Раководството на Баерн Минхен ги разгледува опциите за нов тренер на тимот во новата сезона. Баварците веќе беа одбиени од Чаби Алонсо, Јулијан Нагелсман и Ралф Рангник.
![Тен Хаг би можел да се врати во Баерн Минхен](https://new.mia.mk/index.php/images/20240504212327_big_730x400_5.webp )
Минхен, 4 мај 2024 (МИА) - Раководството на Баерн Минхен ги разгледува опциите за нов тренер на тимот во новата сезона. Баварците веќе беа одбиени од Чаби Алонсо, Јулијан Нагелсман и Ралф Рангник.
Германскиот гигант се договори со актуелниот менаџер Томас Тухел да го напушти клубот на крајот од сезоната. Останувањето на Германецот во следната кампања е опција за клубот, но се разговара и за други опции.
Меѓу нив е и менаџерот на Манчестер Јунајтед Ерик тен Хаг, информира „БИЛД“. 53-годишниот Холанѓанец би можел да биде ослободен на крајот од сезоната и враќањето на „Алијанц Арената“ е една од опциите како замена за Тухел.
Тен Хаг веќе работеше во Баерн. Помеѓу 2013 и 2015 година го водеше резервниот тим на баварскиот колос. Неговата кариера потоа помина низ Утрехт, Ајакс и Олд Трафорд. Неговиот договор со „црвените ѓаволи“ е до летото 2025 година.
Останатите имиња на списокот на спортскиот директор Макс Еберле се Хулен Лопетеги, Роџер Шмит (Бенфика) и Роберт Де Зерби (Брајтон).
Последниот веќе најави дека сака да остане на чело на „галебите“. дс
Фото: Архива