Телефонски разговор Путин - Макрон
- Рускиот и францускиот претседател, Владимир Путин и Емануел Макрон денеска разговараа за повеќе прашања и за соработка за меѓународните прашања, соопшти Кремљ
![Телефонски разговор Путин - Макрон](https://new.mia.mk/index.php/images/20221107141036_big_730x400_89.webp )
Москва, 2 јули 2021 (МИА) - Рускиот и францускиот претседател, Владимир Путин и Емануел Макрон денеска разговараа за повеќе прашања и за соработка за меѓународните прашања, соопшти Кремљ.
Во телефонскиот разговор Путин и Макрон се фокусирале на стабилноста и безбедноста во Европа.
Тие се заложија и за зајакнување на преговарачкиот процес за имплементација на Договорот од Минск.
Додека во соопштението од Елисејската палата се наведува дека Макрон и Путин разговарале и за Либија.
Макрон истакна дека сака подобрување на односите помеѓу Европска Унија и Русија.
Телефонскиот разговор бил на иницијатива на Париз. ми/