Телефонски разговор Бегај - Османи за состојбата на северот на Косово
- Албанскиот претседател Бајрам Бегај оствари телефонски разговор со неговата косовска колешка Вјоса Османи за „тензичната состојба на северот на Косово“.
![Телефонски разговор Бегај - Османи за состојбата на северот на Косово](https://new.mia.mk/index.php/images/20221114022920_big_730x400_41.webp )
Тирана, 6 ноември 2022 (МИА) - Албанскиот претседател Бајрам Бегај оствари телефонски разговор со неговата косовска колешка Вјоса Османи за „тензичната состојба на северот на Косово“.
Бегај во објава на Фејсбук напиша дека со Османи разговарале и за оставките на претставниците на Српската листа од државните институции во Косово и за блокирање на нивното работење.
- На претседателката Османи и ја изразив мојата загриженост и истовремено го охрабрив продолжувањето на дијалогот меѓу страните, имајќи го предвид зачувувањето на мирот и стабилноста, како и територијалниот интегритет на Косово гарантиран од НАТО, напиша Бегај.
Тој нагласува дека останува голем интересот за евроатлантските интеграции на Косово и на целиот регион на Западен Балкан. вт/сп/