Тебас: Мбапе сигурно доаѓа во Реал
- Претседателот на шпанската Ла Лига, Хавиер Тебас е уверен во трансфер на фудбалерот на ПСЖ, Килијан Мбапе во Реал Мадрид.
![Тебас: Мбапе сигурно доаѓа во Реал](https://new.mia.mk/index.php/images/20240414114119_big_730x400_80.webp )
Мадрид, 14 април 2024 (МИА) - Претседателот на шпанската Ла Лига, Хавиер Тебас е уверен во трансфер на фудбалерот на ПСЖ, Килијан Мбапе во Реал Мадрид.
Тој истакна дека во шпанското првенство секогаш играат најдобрите фудбалери.
- Јас сум 99,99 отсто сигурен дека Мбапе ќе биде во Реал Мадрид. Што се однесува до доаѓањето на Халанд во Шпанија во скоро време, тоа ќе биде потешко. Тој не беше во Сити доволно долго за да размислува за заминување, изјави Тебас за „Marca“.
Претходно беше објавено дека Мбапе одбил бонус за верност кон ПСЖ во износ од 80 милиони евра, само за да се пресели во Реал Мадрид.
Французинот кој е еден од најдобрите фудбалери на светот, името на својот иден клуб ќе го соопшти пред почетокот на Европското првенство 2024. зс/
Фото: ЕПА