Твитер воведува шифрирани пораки, аудио и видеоповици
- На овој начин Твитер се усогласува со Фејсбук и Инстаграм коишто веќе имаат слични опции за повик.
![Твитер воведува шифрирани пораки, аудио и видеоповици](https://new.mia.mk/index.php/images/20230511103115_big_730x400_97.webp )
Лос Анџелес, 11 мај 2023 (МИА) - Сопственикот на Твитер Илон Маск најави дека платформата ќе воведе видео и аудиоповици, како и шифрирани пораки. На овој начин Твитер ги следи Фејсбук и Инстаграм коишто веќе имаат слични опции за видео и аудиоповик.
Така, корисниците на Твитер наскоро ќе можат да се чујат и видат со луѓе ширум светот и преку оваа социјална мрежа без да мора да го дадат својот телефонски број, напиша Маск на својот Твитер-профил.
Тој додава дека ќе може да се испраќаат и шифрирани пораки, но не појасни дали и повиците ќе бидат шифрирани.
Милијардерот лани ги објави своите планови за подобрување на оваа социјална мрежа, нарекувајќи ја „Твитер 2.0 - апликација за секого“. Најавите и тогаш говореа за шифрирани пораки, подолги објави и опции за плаќање преку оваа платформа. си/
Фото: МИА архива.