Тајгер Вудс излезе од болница по тешката сообраќајна несреќа
- Еден од најдобрите голф играчи Тајгер Вудс е отпуштен од болница по сообраќајна несреќа. За ова тој објави на својот Твитер.
![Тајгер Вудс излезе од болница по тешката сообраќајна несреќа](https://new.mia.mk/index.php/images/20221106135752_big_730x400_47.webp )
Лос Анџелес, 17 март 2021 (МИА) – Еден од најдобрите голф играчи Тајгер Вудс е отпуштен од болница по сообраќајна несреќа. За ова тој објави на својот Твитер.
- Драго ми е да објавам дека веќе се вратив дома, каде ќе продолжам со закрепнувањето. Благодарност до сите за пораките за поддршка што ги добив изминатите недели, напиша Вудс.
Американецот имаше несреќа на 23 февруари во близина на Лос Анџелес. За да го извлечат од автомобилот кој излета од патот, спасувачите морале да сечат дел од каросеријата.
Вудс се здоби со сериозни повреди на нозете, фрактури, повреди на коските на стапалото и глуждот. Него му беше вградена метална прачка. зс/