Тачи ги претстави новите борбени возила кои Косово ги купи од САД
- Косовскиот претседател Хашим Тачи го претстави денеска новиот континет од 47 оклопни борбени возила, кои Безбедносните сили на Косово (ФСК) ги купија од Соединетите Американски Држави и кои в
![Тачи ги претстави новите борбени возила кои Косово ги купи од САД](https://new.mia.mk/index.php/images/20221104161118_big_730x400_7.webp )
Приштина, 27 јули 2020 (МИА) – Косовскиот претседател Хашим Тачи го претстави денеска новиот континет од 47 оклопни борбени возила, кои Безбедносните сили на Косово (ФСК) ги купија од Соединетите Американски Држави и кои во саботата стасаа во земјата, јави дописникот на МИА од Приштина.
Преку објава на својата страница на Фејсбук по средбата со командантот на ФСК, генерал-полковникот Рахман Рама, Тачи информира и дека наскоро ќе започне регрутацијата на нови припадници на косовските вооружени сили.
-Денеска имав информативна средба со командантот на Безбедносните сили на Косово, генерал-полковникот Рахман Рама. Војската на Косово набави нов контингент од 42 американски борбени возила „Хумвее“. И регрутацијата на новите војници ќе започне наскоро. Слободата, независната држава и војската ни ги даваат идентитетот и гордоста за слободата и демократијата, напиша Тачи. иа/