ТАСС: Над 860.000 лица пристигнаа во Русија од Украина и Донбас
- Над 860.000 лица пристигнаа во Русија од Украина и територијата на Донецката и Луганската народна република, информираа руските безбедносни служби за ТАСС, зборувајќи за самопрогласените репу
![ТАСС: Над 860.000 лица пристигнаа во Русија од Украина и Донбас](https://new.mia.mk/index.php/images/20221113112332_big_730x400_68.webp )
Москва, 18 април 2022 (МИА) - Над 860.000 лица пристигнаа во Русија од Украина и територијата на Донецката и Луганската народна република, информираа руските безбедносни служби за ТАСС, зборувајќи за самопрогласените републики и анектираниот Крим.
„Вкупно над 860.000 лица, вклучувајќи повеќе од 161.000 деца, пристигнаа во Русија преку контролните пунктови во Ростовска, Белгородска, како и регионот Брјанск и Република Крим“, тврди изворот.
Се додава и дека протокот на луѓе, кои ја преминуваат границата од Донбас и Украина, е благо намален во последните денови, од 20.000 на 15.000 лица дневно.
Меѓу оние кои пристигнале во Русија, има над 237.000 граѓани на Руската федерација, над 480.000 лица од самопрогласените ДНР и ЛНР, а 142.000 луѓе од Украина и од други држави, пишуваат дел медиуми.
Повеќе од 32.000 бегалци се сместени во центри за привремено сместување во 45 региони. бд/ссм/