Тарантино го најави својот 10-ти и, најверотно, последен филм
- Американскиот режисер објави дека има намера наесен да го снима својот 10-ти филм, којшто би бил и последен во неговата кариера.
![Тарантино го најави својот 10-ти и, најверотно, последен филм](https://new.mia.mk/index.php/images/20230331123636_big_730x400_48.webp )
Лос Анџелес, 3 aприл 2023 (МИА) - Американскиот режисер Квентин Тарантино, 2-3 дена по својот 60-ти роденден, објави дека има намера наесен да го снима својот 10-ти филм, којшто би бил и последен во неговата кариера.
- Го завршив сценариото за мојот последен филм. Претпоставувам, веројатно ќе го снимам наесен, изјави ексцентричниот режисер интервјуиран во Париз, отфрлајќи ги сите гласини што се шират за овој филм. - Дејството на филмот под работен наслов „Филмски критичар“ е сместено 1977 година, додаде тој.
Но, според Тарантино, тоа не е посветено на некој новинар или конкретен филмски критичар и не е „биографски филм за Полина Каел“, култниот лик од „Њујорк“, која почина во 2001 година.
Тарантино повеќе од еднаш најави крај на кариерата откако сними девет филма, сметајќи ги двата дела на „Убиј го Бил“ како едно остварување. Но, се чини, сега повторно ги подгреа очекувањата на обожавателите - за нов филм. си/
Фото: ЕПА.