Вашингтон, 6 ноември 2021 (МИА) - Федералниот апелациски суд на САД ја суспендирал наредбата издадена од администрацијата на претседателот Џо Бајден за задолжителна вакцинација против коронавирус на вработени во американски компании со 100 или повеќе работници или нивно тестирање секоја недела. Во својата пресуда, судот ги наведе предвидените „сериозни статутарни и уставни“ прашања. Одлуката е донесена откако повеќе американски сојузни држави ја тужеа администрацијата на Бајден во обид да ги суспендира наредбите за вакцинација на вработените со федерален договор. Новото правило требаше да стапи во сила на 4 јануари. гт/