Судот ја отфрли жалбата на Барселона за регистрацијата на Гави
- Трговскиот суд на Барселона ја отфрли жалбата на Барселона против одлуката за откажување на регистрацијата на новиот договор на играчот од средниот ред на Гави.
![Судот ја отфрли жалбата на Барселона за регистрацијата на Гави](https://new.mia.mk/index.php/images/20230321141322_big_730x400_50.webp )
Барселона, 21 март 2023 (МИА) - Трговскиот суд на Барселона ја отфрли жалбата на Барселона против одлуката за откажување на регистрацијата на новиот договор на играчот од средниот ред на Гави.
Според „IU Sport“, на 21 март судот ја потврдил одлуката, според која Гави мора да биде пријавен како играч во младинскиот тим на Барселона. Причина за отфрлањето на жалбата е фактот што клубот го поднесе првобитното барање по истекот на рокот (1 март), а Барса тоа го направи следниот ден.
Сега Гави ќе игра како член на резервниот тим. Барса може да се жали на оваа одлука на повисока инстанца.
Да потсетиме, Барселона во септември најави продолжување на договорот со 18-годишниот Шпанец до 2026 година. Според условите од новиот договор неговата плата требаше да се зголеми. Во декември се дозна дека Каталонците не можат да го пријават Гави во првиот тим поради лимитот на платниот список.
Во јануари Ла Лига ѝ кажа на Барселона дека играчот не може да биде регистриран како првотимец бидејќи неговиот нов договор не ги исполнува економските барања. Судот подоцна и дозволи на Барселона да го регистрира новиот договор на Гави, а Ла Лига поднесе жалба. Во март, судот ја откажа регистрацијата на договорот на Гави. зс/
Фото: ЕПА