Судот во Египет осуди 10 лица на смртна казна за трговија со дрога
Каиро, 6 септември 2021 (МИА) - Судот во Египет осуди десет мажи на смрт за трговија со дрога по заплена на повеќе од два тона хероин, објавуваат медиумите според египетски судски извори.
Седум Пакистанци, двајца Египјани и еден Иранец се осудени на смрт со бесење.
Властите откриле пратка хероин во вредност од 107 милиони евра и 99 килограми метамфетамин на брод на Црвеното Море. Датумот на заплена не е наведен.
Осудените имаат рок од 60 дена да ја обжалат пресудата. паг/
