Талахаси, 4 април 2025 (МИА) - Иако неговата кора најчесто се лупи, овошјето киви е, всушност, најздраво кога се јаде со лушп, според докторот Џозеф Салхаб од Алтамор Спрингс, Флорида, САД. Тој вели дека јадењето цело киви, сосе лушпата, го зголемува вносот на хранливи влакна за дури 50 отсто. Меѓутоа, во тој случај, измијте ги овошките за да се отстранат ситните влакна коишто не се јадат.

- Ако јадете киви со лушпа, всушност добивате 50 отсто повеќе влакна и малку повеќе витамини и хранливи материи, истакна д-р Салхаб.

Лекарите од Клиниката во Кливленд исто така веруваат дека лушпите ја зголемуваат содржината на хранливи влакна. Токму во тој дел се содржат околу 3 - 3,5 грама влакна во едно киви. Препорачаниот просечен дневен внос е 30 грама најмалку. Влакната се најклучниот дел од урамнотежената исхрана, според американската Националната здравствена служба.

Зголемениот внос на влакна е поврзан со намален ризик од срцеви заболувања, дијабетес тип 2, мозочен удар и рак на дебелото црево. 

Кивито, инаку, може да се додаде и цело сомлено во зелен сок. 

- Или пак, да го исечете на ситни парчиња... На овој начин е многу полесно да го изедете. Кивито е одлично за здравјето на вашите црева. Богато е со витамин Ц, овозможува размножување на добри бактерии и помага во спречување запек, додаде д-р Салхаб.

Сепак, лушпата од киви не се препорачува за одредени луѓе, особено оние склони кон камен во бубрегот. Ова, пред сѐ, затоа што кивито е богато со оксалати, што може да ја зголеми опасноста од оваа појава кај луѓето со овој здравствен проблем.

Нутриционистката Џилијан Кулбертсон дополни дека кивито може да не реагира добро со калциумот во телото. Тоа би спречило правилно апсорбирање на овошјето, па така да се создадат камчиња во бубрезите, или проблеми со зглобовите. Затоа, други начини да вклучите повеќе влакна во Вашата исхрана, стручњаците препорачуваат житарки, интегрален леб, грав, овошје и разновиден зеленчук.  си/

Фото: Пиксабеј