„Струмичка корида“ и „Струмички глуварчиња“ учествуваа на карневалот во Панчево, Србија
- Карневалските маски „Струмичка корида“ на ООУ „Видое Подгорец“ и „Струмички глуварчиња“ на СОУ „Димитар Влахов“ уествуваа на на 21. Меѓународен карневал во Панчево, Србија, кој се одржа вчера и завчера.
![„Струмичка корида“ и „Струмички глуварчиња“ учествуваа на карневалот во Панчево, Србија](https://new.mia.mk/index.php/images/20230618104837_big_730x400_85.webp )
Струмица, 18 јуни 2023 (МИА) - Карневалските маски „Струмичка корида“ на ООУ „Видое Подгорец“ и „Струмички глуварчиња“ на СОУ „Димитар Влахов“ уествуваа на на 21. Меѓународен карневал во Панчево, Србија, кој се одржа вчера и завчера.
Како што информираа од Организацискиот одбор на Струмичкиот карневал, двете карневалски групи биле дел од карневалската поворка во која учествувале 30 групи.
-Преку посебното претставување на странските групи, ден пред главната карневалска вечер, домаќинот на карневалот им даде неповторлива можност со кореографските настапи да се претстават во најдобро светло, меѓу кои и нашите и да го свртат вниманието на домашната публика врз раскошните креации на карневалските маски со кои настапија, инфомираа од Струмичкиот карневал.
Инаку, и двете маски освоија награди на годинашниот Интернационален струмички карневал и повеќе пати досега учествуваат на карневали во странство. рт/дма/
Фото: Струмички карневал