Стојоски собори државен рекорд стар 44 години
- Јован Стојоски е нов македонски рекордер во дисциплината 400 метри со пречки.
![Стојоски собори државен рекорд стар 44 години](https://new.mia.mk/index.php/images/20240506150227_big_730x400_24.webp )
Марибор, 6 мај 2024 (МИА) - Јован Стојоски е нов македонски рекордер во дисциплината 400 метри со пречки.
На Меѓународниот турнир во Марибор викендот Стојоски патеката 400 метри со пречки ја истрча за 53,56 секунди.
- Освоено прво место на Меѓународниот митинг во Марибор. Ова е моја втора трка во оваа дисциплина. Сега имам девет државни рекорди, објави Стојоски на својот фејсбук-профил.
Досегашниот државен рекорд на оваа делница изнесуваше 55,11 секунди поставен 1980 година. зс/
Фото: Фејсбук Стојоски