ДИЖС во првиот квартал годинава реализирал 738 инспекциски надзори, иницирани се 17 прекршочни санкции
- Од планирани 631 инспекциски надзор, Државниот инспекторат за животна средина во првиот квартал од оваа година, односно од 1 јануари до 30 април годинава реализирал 738 инспекциски надзори, од кои 518 редовни, 89 вонредни и 131 контролни.
![ДИЖС во првиот квартал годинава реализирал 738 инспекциски надзори, иницирани се 17 прекршочни санкции](https://new.mia.mk/index.php/images/20230505130150_big_730x400_11.webp )
Скопје, 5 мај 2023 (МИА) – Од планирани 631 инспекциски надзор, Државниот инспекторат за животна средина во првиот квартал од оваа година, односно од 1 јануари до 30 април годинава реализирал 738 инспекциски надзори, од кои 518 редовни, 89 вонредни и 131 контролни.
Директорот на Државниот инспекторат за животна средина Сретен Стојковски денеска информира дека планот на Инспекторатот за првиот квартал е надминат за 16,9 проценти. Посочи дека изготвени се 169 решенија во инспекциска постапка.
-Од 17 прекршочни санкции иницирани се над 300 илјади евра во денарска противвредност и тоа 180 илјади евра за Цементарница УСЈЕ, 110 илјади за „Пејпермил, 10 илјади за фабрика за марихуана во Вевчани, потоа платни налози со порамнување за физички лица за отпад, како и останати предмети по пат на спогодување, рече Стојковски.
Во овој прв квартал од годината, оформени се неколку предмети по покренати инспекциски постапки – за Цементарницата УСЈЕ во кое спогодувањето било неуспешно па во тек е судска постапка, за „Пејпермил“ Кочани, ЈКП Куманово и ЈКП Прилеп, за фабриката за марихуана во Вевчани, САНС АГ, „Визијана“ и „Бонум“ во Старо Нагоричане.
-ДИЖС ќе координира со нов ЕУ Твининг проект кој е одобрен на почетокот на 2022 година од страна на делегацијата на У и во тек е одобрувањето на проектниот документ кој од Министерството за финансии е веќе испратен до Делегацијата на ЕУ во Скопје на финална контрола и одобрување по што ќе биде објавен јавен конкурс, а се очекува проектот да започне до крајот на 2023 година. Проектот ќе трае 27 месеци, а вредноста изнесува еден милион евра. Во рамки на Проектот ќе се изработат стратешки документи и подзаконски акти кои произлегуваат како обврска од новиот Закон за инспекциски надзор во животната средина, рече Стојковски.
Тој информира дека во првите четири месеци од 2023 година остварена е непосредна комуникација со граѓаните по пат на достапните начини на комуникација – преку месинџер остварени се седум комуникации, од кои две претставки се однесувале на предмети од надлежност на ДИЖС. Преку е-пошта поднесени четири претставки, од кои една се однесува на Инспекторатот и преку веб-пријави поднесени 30 претставки, од кои седум претставки се однесувале на предмети за кои е надлежен ДИЖС.
Како што посочи, во текот на првите четири месеци од оваа година ДИЖС примала шест барања за слободен пристап до информации од јавен карактер и сите шест се одговорени целосно во законскиот рок, без дополнување на одговорите, односно жалба по истите до Агенцијата за слободен пристап до информации од јавен карактер.фф/са/
Фото: МИА