„Стелантис“ повлекува 24.000 хибридни миникомбиња ширум цел свет
- Се однесува на возилата моделот „Крајслер пацифика хибрид“ произведен од 2017 до 2021 година. Се работи за околу 19.500 возила.
![„Стелантис“ повлекува 24.000 хибридни миникомбиња ширум цел свет](https://new.mia.mk/index.php/images/20240719094202_big_730x400_82.webp )
Хофдорп, 19 јyли 2024 (МИА) - Матичната компанија на „Крајслер“ (Chrysler) - „Стелантис“ (Stelantis) повлекува околу 24.000 „плаг-ин“ хибридни миникомбиња ширум светот, поради опасност од пожар, и ги повика сопствениците да ги паркираат возилата на отворено и подалеку од зградите додека ги чекаат поправките.
„Стелантис“ соопшти дека повлекувањето се однесува на возилата од моделот „Крајслер пацифика хибрид“ произведен меѓу 2017 и 2021 година. Во однос на САД, се работи за околу 19.500 возила. Компанијата е запознаена со седум инциденти при исклучување на возилата, од коишто некои се случиле при полнење на батеријата. Од корисниците, четворица пријавиле вдишување чад.
Случаите се поврзани со неисправности во поединечните високонапонски ќелии на батериите, што се случува ретко.
Опасноста од пожар е релативно помала кога нивото на полнење на батеријата е пониско, па на сопствениците на комбиња им се советува - до поправката да се воздржат од полнење. Компанијата работи на ажурирање на софтверот за да дознае повеќе за тие неисправности и, доколку се најдат, одговорните ќе ја заменат високонапонската батерија на возилото. си/
Фото: МИА архива