Средба на Пендаровски со претседателот на фондацијата „Фридрих Еберт“, Шулц
- Севкупните активности на фондацијата „Фридрих Еберт“ во регионот и во земјава, како и актуелните случувања во поширокиот регион, вклучувајќи ја и руската инвазија врз Украина и последиците од
![Средба на Пендаровски со претседателот на фондацијата „Фридрих Еберт“, Шулц](https://new.mia.mk/index.php/images/20221128065727_big_730x400_37.webp )
Скопје, 22 ноември 2022 (МИА) - Севкупните активности на фондацијата „Фридрих Еберт“ во регионот и во земјава, како и актуелните случувања во поширокиот регион, вклучувајќи ја и руската инвазија врз Украина и последиците од неа, беа главни теми на средбата на шефот на државата Стево Пендаровски со претседател на Фондацијата и поранешен прв човек на Европскиот Парламент, Мартин Шулц, кој престојува во Скопје по повод учеството на вториот Социо-еколошки форум.
Како што соопшти Кабинетот на шефот на државата, претседателот Пендаровски го истакна придонесот и поддршката на Фондацијата во повеќе сфери, вклучувајќи ги европските интеграции, унапредувањето на политичкиот дијалог, социјалниот и економскиот развој и поддршката на образовни и младински политики.
Тој се заблагодари за поддршката што Фондацијата ја дава на Претседателскиот центар за политичко образование и за реализацијата на Школата за политики, што има за цел промоција на демократските политички вредности, промоција и заштита на човековите права и слободи, политичкиот плурализам, меѓусебната толеранција, заедништвото и солидарноста. сст/сп/
![thumbnail_Foto (2)](/articles/images/d181d180d0b5d0b4d0b1d0b0-d0bdd0b0-d0bfd0b5d0bdd0b4d0b0d180d0bed0b2d181/RIcVXTUbO/placeholder.webp?use_watermark=0)