Спречен шумски пожар кај Отовица, на автопатот Велес - Скопје
- Ниска вегетација, трња и грмушки гореле вчера од 16:35 до 19:30 часот кај село Отовица, кое е лоцирано во близина над велешкото езеро „Младост“. Велешките пожарникари и полицијаци по три часа тешка борба со огнената стихија успеале да го изгаснат огнот за да не се прошири кон боровата шума на автопатот Велес - Скопје.
![Спречен шумски пожар кај Отовица, на автопатот Велес - Скопје](https://new.mia.mk/index.php/images/20230801151746_big_730x400_29.webp )
Велес, 1 август 2023 (МИА) - Ниска вегетација, трња и грмушки гореле вчера од 16:35 до 19:30 часот кај село Отовица, кое е лоцирано во близина над велешкото езеро „Младост“. Велешките пожарникари и полицијаци по три часа тешка борба со огнената стихија успеале да го изгаснат огнот за да не се прошири кон боровата шума на автопатот Велес - Скопје.
Портпаролот на СВР Велес Ристе Самарџиев денеска за МИА изјави дека на помош на 13-те велешки пожарникари, кои гаснеле со четири противпожарни возила им се придружила и полициска екипа од СВР Велес, која исто така активно се вклучила во гаснење на пожарот. ад/мд/
Фото: МИА архива