Спречен нов атентат врз Зеленски, уапсен Полјак кој соработувал со Русите
- Полскиот државјанин Павел К. е уапсен под сомнение дека учествувал во подготовката на атентат на украинскиот претседател Володимир Зеленски.
![Спречен нов атентат врз Зеленски, уапсен Полјак кој соработувал со Русите](https://new.mia.mk/index.php/images/20240419104242_big_730x400_26.webp )
Варшава, 19 април 2024 (МИА) - Полскиот државјанин Павел К. е уапсен под сомнение дека учествувал во подготовката на атентат врз украинскиот претседател Володимир Зеленски.
Тој е лишен од слобода во Полска по обвинението дека бил подготвен да му помогне на руското воено разузнавање во заговорот за убиство на Зеленски, објави полското обвинителство.
Павел К., наводно, побарал контакт со Русите вклучени во војната во Украина, наведувајќи дека ќе пренесе детални информации од аеродромот Ржесов-Јасионка, кој се наоѓа во близина на границата со Украина.
Доколку биде прогласен за виновен, може да биде осуден на осум години затвор. рп/
Фото: МИА архива