Спортскиот директор на ПСЖ негира заминување на Покетино
- Спортскиот директор на Пари Сен-Жермен, Леонардо ги негираше шпекулациите за можно заминување на тренерот Маурисио Покетино.
![Спортскиот директор на ПСЖ негира заминување на Покетино](https://new.mia.mk/index.php/images/20221107114821_big_730x400_10.webp )
Париз, 31 мај 2021 (МИА) - Спортскиот директор на Пари Сен-Жермен, Леонардо ги негираше шпекулациите за можно заминување на тренерот Маурисио Покетино.
- Покетино има две години договор со Пари Сен-Жермен. Ние сме среќни поради тоа што тој е наш предводник, истакна Леонардо.
Реакцијата на управата на ПСЖ доаѓа по бројните шпекулации дека 49-годишниот аргентински фудбалски стручњак ова лето може да замине во Реал Мадрид или повторно да го преземе Тотенхем.
Покетино дојде во ПСЖ во јануари 2021 година и со него го освои Купот на Франција, но не успеа да дојде до трофејот во Лига 1. зс/