СПМ: Неопходна промена на моделот на пресметка на растот на пензиите
- СООПШТЕНИЕ
![СПМ: Неопходна промена на моделот на пресметка на растот на пензиите](https://new.mia.mk/index.php/images/20240401112923_big_730x400_60.webp )
Скопје, 1 април 2024
Социјалистичката партија на Македонија го разбира незадоволството на пензионерите од последното усогласување на растот на пензиите за 5,3%.
Власта на СДС и ДУИ упорно се фали дека тоа е раст на пензиите но всушност е само делумно приближување до растот на инфлацијата и до растот на просечната плата што како модел не се покажа успешен и мора да се промени.
Подолгото заостанување на растот на пензиите што го направи владата на СДС и ДУИ ги обезвредни парите на граѓаните кои со години уплатувале во пензискиот фонд.
Пензионерите се осиромашени, навредени и гневни што нивниот опстанок е загрозен токму од лошите политики на власта која ги игнорираше нивните протести и барања.
Социјалистичката партија на Македонија поддржувајќи ги пензионерите повторно укажува дека е неопходна промена на моделот на пресметка на растот на пензиите што веќе е присутен во други држави, а заради пореметувањата што ги предизвика инфлацијата и игнорирањето на промените од страна на власта.
Заради лошите политики и игнорантскиот однос кон пензионерите власта на СДС и ДУИ мора на изборите да биде поразена од граѓаните од Македонија и да се изберат национално определени лица кои ќе се грижат за пензионерите и за сите граѓани во државата.
Социјалистичка партија на Македонија
_______________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
фото МИА архива