Специјалниот пратеник на Канада за ЕУ и Европа во официјална посета на земјава
- Специјален пратеник на Канада за Европска Унија и Европа, Стефан Дион од денеска до среда ќе престојува во официјална посета на земјава, во чии рамки ќе се сретна со претседателот Стево Пен
![Специјалниот пратеник на Канада за ЕУ и Европа во официјална посета на земјава](https://new.mia.mk/index.php/images/20230205222347_big_730x400_26.webp )
Скопје, 6 февруари 2023 (МИА) - Специјален пратеник на Канада за Европска Унија и Европа, Стефан Дион од денеска до среда ќе престојува во официјална посета на земјава, во чии рамки ќе се сретна со претседателот Стево Пендаровски, премиерот Димитар Ковачевски, министри од Владата, како и со претставници на граѓанските, културните и бизнис заедниците.
Како што соопшти Канадскиот конзулат во Скопје, Фокусот на посетата на Дион на земјава е на реафирмирање и продлабочување на билатералната соработка и односите меѓу Канада и Северна Македонија.
Дион во периодот од ноември 2015 до јануари 2017 е министер за надворешни работи на Канада, по што е назначен за специјален пратеник на канадскиот премиер Жастин Трудо за Европската Унија и Европа. Од 2017 до 2022 година е и амбасадор на Канада во Германија, а во моментов е канадски амбасадор во Франција и Монако.
- Специјален пратеник Дион го застапува канадското лидерство во светот за клучните глобални интереси, вклучително и промоцијата на универзалните човекови права, демократијата, напорите за мир и стабилност, одржливата трговија, глобалниот климатски предизвик и посветеноста на Канада на различноста, се додава во соопштението. сп/