Спасовски учествуваше на 6. Состанок на одборот на иницијативата за интегрирано управување со внатрешната безбедност (ИИСГ)
- Министерот за внатрешни работи Оливер Спасовски денеска онлајн учествуваше на 6. Состанок на одборот на иницијативата за интегрирано управување со внатрешната безбедност (ИИСГ) што се одржува
![Спасовски учествуваше на 6. Состанок на одборот на иницијативата за интегрирано управување со внатрешната безбедност (ИИСГ)](https://new.mia.mk/index.php/images/20221113162117_big_730x400_83.webp )
Скопје, 20 јуни 2022 (МИА) - Министерот за внатрешни работи Оливер Спасовски денеска онлајн учествуваше на 6. Состанок на одборот на иницијативата за интегрирано управување со внатрешната безбедност (ИИСГ) што се одржува во Сараево во хибриден формат.
Како што се наведува во соопштението од МВР, во фокусот на состанокот беше дискусијата и усвојувањете, односно одобрувањето на првото двегодишно мапирање на потреби за трите столба 2021-2022, трите методологии на ИИСГ (мапирање потреби, мапирање одговори, база на податоци, Годишниот план за работа на ИИСГ, нови членови на ИИСГ и Потврдата за продолжување на мандатот на шефот на Секретаријатот на ИИСГ.
Сесијата ја отвори претседавачот на состанокот, в.д. генералниот директор за соседни и преговори за проширување на Европска Комисија, Мачеј Поповски, а свое обраќање имаа и Оливие Ониди, заменик генерален директор за безбедност при Генералниот директорат за миграција и внатрешни работи на Европската Комисија, како и Тања Мишчевиќ, заменик генерален секретар на Советот за регионална соработка.
Министерот Спасовски во своето обраќање истакна дека како член на Одборот на ИИСГ, е дел од овој форум од самиот негов зачеток и предвид ја имал целата негова еволуција и постигнувања, развој и проектирање, почнувајќи првично од проширувањето на областите во кои таа ќе дејствува, а потоа и изготвените планови за акција, ревизијата и реформата.
- Во оваа насока, навистина ми е драго што денес го гледаме конкретниот резултат на сите тие превирања и пред сé посветена работа на сите инволвирани страни - Секретаријатот на ИИСГ, претставниците од нашите институции, па и стратешките партнери и Европската комисија. Извештајот за мапирање на потреби за секоја земја индивидуално, но и регионалниот преглед ја одразуваат моменталната ситуација во однос на предизвиците со кои се соочуваат нашите служби во справувањето со тероризмот, организираниот криминал и одржувањето на граничната безбедност, потенцира министерот Спасовски.
Тој истакна дека свесноста за меѓусебните потреби и внатре и надвор од регионот на Западен Балкан првенствено ќе го зголеми во државата, но и меѓународното разбирање за тоа како потребите односно приоритетите на еден од нас влијаат на другиот.
Постоењето на регионален преглед на приоритети и одговор на истите односно проекти и активности кои се спроведуваат заради задоволување на тие потреби, само по себе ќе наложува координација помеѓу меѓународните партнери и донатори. Со самото тоа, иницијативата на еден координиран и функционално интегриран начин не само што ќе ги комбинира регионалните капацитети во дизајнирање на заеднички пристап, туку ќе ги интегрира и релевантните регионални или други инструменти и алатки за да се подобри нивната функционалност и долгорочна стабилност, подвлече министерот Спасовски.
Тој упати благодарност до Секретаријатот на ИИСГ за несебичното работење и за постигнатото, но и на Европската Комисија за поддршката на целиот процес и дека Министерството за внатрешни работи ќе остане активен подржувач на оваа Иницијативата. свс/сп/